Dende o 18-03-2018 ata o 20-03-2018
Feira Internacional Prowein (Düsseldorf, Alemaña)
A Denominación de Orixe terá unha caseta propia nesta feira internacional, a máis prestixiosa e importante no mundo do viño. Nesta feira acode numeroso público profesional do viño coa intención de coñecer as novidades e as rexións vitícolas máis demandadas no mercado exterior, como é o caso de Ribeira Sacra. No espazo da Denominación de Orixe Ribeira Sacra, haberá un Túnel do Viño, onde poderán catarse case 40 referencias, de viños brancos, tintos e en barrica de 17 adegas diferentes. Na caseta da Denominación de Orixe tamén se poderá obter información xeral sobre a denominación e sobre as marcas que están presentes na exposición.
