Presentación da Guía de Viños, Destilados e Adegas de Galicia 2018

19/12/2017

Esta mañá presentouse no “Centro do Viño de Monforte de Lemos” a Guía de Viños, Destilados e Adegas de Galicia 2018, editada por Servino Consulting e dirixida por Luís Paadín. O acto de presentación estivo conducido polo propio Luís Paadín, autor da Guía ao que acompañou José Manuel Rodríguez González, presidente da D.O. Ribeira Sacra.

A GUÍA DE VIÑOS DE GALICIA 2018 DE LUÍS PAADÍN PRESENTA MÁIS DE 850 REFERENCIAS CATADAS

Na súa edición máis completa ata a data, a Guía de Viños, Destilados e Adegas de Galicia conta con 540 adegas e destilerías de referencia; a totalidade das amparadas nas DD. OO. e II. GG. de viños, augardentes e licores de Galicia. A través das súas 384 páxinas a todo cor, pódese gozar de 850 referencias descritas e premiadas este ano de máis de 1.500 que aparecen referenciadas, así como o medalleiro histórico de cada viño dos últimos 5 anos.

Luís Paadín: “Este ano incorpórase información relativa aos chans, pluviometría e luminosidade nas distintas zonas das denominacións de orixe. No caso da Ribeira Sacra o marabilloso é ver a diferenza dos chans nos distintos concellos con esa veta de “ ollo de sapo” que a cruza a Ribeira Sacra longitudinalmente e cremos que o camiño ten que ir un pouco cara a apostar claramente polos viños de parcela e por tanto cremos que isto é un primeiro paso a recoñecer que o consumidor vaia valorando non soamente que a Ribeira Sacra en só unha, se non que son moitas e que son moi variados os viños. “

A GUÍA DE VIÑOS DE GALICIA 2018 DE LUÍS PAADÍN PRESENTA MÁIS DE 850 REFERENCIAS CATADAS

Na súa edición máis completa ata a data, a Guía de Viños, Destilados e Adegas de Galicia referencia 540 adegas e destilerías; a totalidade das amparadas nas DD. OO. e II. GG. de viños, augardentes e licores de Galicia. A través das súas 384 páxinas a todo cor, pódese gozar de 850 referencias descritas e premiadas este ano de máis de 1.500 que aparecen referenciadas, así como o medalleiro histórico de cada viño dos últimos 5 anos.

Luís Paadín: “Este ano catamos máis viños e si, cada vez hai máis grandes ouros e a colleita de 2015, que son moitos dos viños que nos deron a probar, pasaron por barrica e demostrouse a gran colleita do que probamos e sobre todo creo que se mostrou do que son capaces as variedades minoritarias como a Brancellao e o Merenzao.“
Como novidade, na Guía 2018 incluíronse xenuínos mapas de todas as DD. OO. nos que se descobren as condicións específicas de cada terruño. Desta maneira, a través de infografías infórmase o lector da Guía de como se distribuíron as choivas no 2016, da altitude de cada punto da D.O., das temperaturas máximas e mínimas no 2016 e mesmo da principal composición mineral de cada chan. Un estudo pormenorizado que busca resaltar a identidade e peculiaridade que cada terruño confírelle ao viño.

Luís Paadín: “Para o meu, do que probei nos anos que levo catando viños desta D.Ou., creo que a colleita de 2015 deu un paso grande para poder explicar o que é realmente un merenzao e como se poden elaborar os grandes brancellaos. Cada ano máis premios, máis viños e mellores elaborados. A colleita 2016 pronto desaparecerá do mercado e hai grandes expectativas depositadas para 2017.” Grazas ao traballo realizado os últimos anos, a Guía de Viños de Galicia que dirixe Luís Paadín, conseguiu posicionarse no máis alto da literatura gastronómica ao obter o Premio Especial do Xurado 2017 como un dos 10 mellores libros de bebidas do mundo polo prestixioso concurso Gourmand Awards, de entre máis de 10.000 libros de 211 países diferentes.

José Manuel Rodríguez: “É unha guía que ano tras ano vai buscando o seu espazo e a súa estabilidade tanto dentro de Galicia como fose . É un formato de guía que pon a Galicia no mapa, a Galicia dos viños, cun criterio serio e persoal dun grupo de xente amplo que veñen valorar estes viños dunha guía sen publicidade que dá unha idea xeral do que son os viños ano a ano. Tras 6 edicións consecutivas, a Guía de Viños de Galicia segue consolidando a súa presenza e valor no mercado grazas ao apoio de máis de 200 mecenas (restauradores, catadores, distribuidores, particulares,…) que cada ano adquiren os seus exemplares mediante un sistema de reserva en primicia e aos máis de 40 catadores (catadores, enólogos, xornalistas e técnicos) que axudan a confeccionala a través das catas a cegas.

José Manuel Rodríguez: “Esta iniciativa Ribeira Sacra apostou por ela desde o principio e parécenos unha idea magnifica. Só cábeme desexar que siga nesa estabilidade co obxectivo de estar presentes ano a ano e irse asentando no mercado, o mercado dese consumidor fiel que valora estas iniciativas. Só quédame dar o parabén e desexar que siga así.”


CONTACTO

Enderezo: Comercio 6/8. Monforte de Lemos (Lugo). 27400 España

info@ribeirasacra.org (+34) 982 410 968

SÍGUENOS EN: