Recollida de mostras para a Cata de Cualificación da Colleita
10/02/2017
Os técnicos do Consello Regulador comezaron a recollida de mostras para a Cata de Cualificación de Colleita de 2016 que terá lugar o 24 de febreiro, na subzona de Amandi, no concello de Sober (Lugo), dado o carácter rotatorio da celebración desta cata.
Para a Cata de Cualificación recóllense un total de dez mostras representativas das cinco subzonas que integran a denominación de orixe. As mostras corresponden a dez adegas diferentes, dúas por cada unha das cinco subzonas (Amandi, Chantada, Quiroga- Bibei, Ribeiras do Miño e Ribeiras do Sil).
O panel de cata estará formado por dez catadores de gran experiencia, procedentes de Galicia e doutros lugares de España:
- José María Martínez Alonso: Membro do Panel de Cata do Consello Regulador
- Alfonso Losada Quiroga: Experto en viticultura e enoloxía
- Raúl Escudeiro Fernández: Secretario do C.R.D.Ou. Cigales
- Mikel Ceberio: Asociación de Catadoras de Navarra
- Antonio Raluy Rodríguez: Membro do Panel de Cata do Consello Regulador
- Jose Seoane: Xornalista especializado
- Iria Otero Mazoy: Asociación de Sumillleres Gallaecia
- José Ángel Lamas Peteiro: Asociación Vitislucus ? Expertos en Ánalisis Sensorial
- Maribel Gómez Soriano: Asociación Galega de Enólogos
- Constantino Igrexas Fernández: Asociación Galega de Catadores
O últimas dez catas de cualificación das colleitas de Ribeira Sacra han sico valoradas como moi boas.