Ribeira Sacra cita coa promoción internacional en Prowein

---

A D.O. Ribeira Sacra regresa por oitavo ano á feira de Düsseldorf en Alemaña, que se celebra do 10 ao 12 de marzo, despois de estrearse nesta cita en 2016.  

Nesta ocasión acode a través da Conselleria do Medio Rural da Xunta de Galicia, coa Axencia Galega da Calidade Alimentaria (AGACAL), nun espazo común das 5 Denominacións de Orixe Vitícolas de Galicia, e estará presente en pavillón 11, stand E50-05.  

Ribeira Sacra ten un espazo propio na feira, no que organiza un Túnel do Viño con 40 mostras de 17 adegas diferentes.
Estas adegas son: Abadia da Cova, Algueira, Ponte da Boga, Tear, Alma das Donas, Rectoral de Amandi, Prómine, Ribada, Don Bernardino, Finca Millara, Condado de Sequeiras, Pazo de la Cuesta, Regina Viarum, Ronsel do Sil, Aba Solleira, Tolo do Xisto e Viñas de Belesar.  
Ademais estarán presentes 8 adegas con espazo propio dentro do stand de Ribeira Sacra. Estas adegas son:  

• Adega Algueira
• Adegas Moure (Abadia dá Cova)
• Adegas Petrón (Prómine)
• Calvo Méndez, Manuel (Adegas Ribada)
• Dominio do Bibei
• Don Bernardino
• Pazo da la Cuesta
• Viñas de Belesar (Mauricio Lorca autor de viños)

Esta gran presenza plásmase nun espazo propio que duplica a superficie coa que se acudía en anos anteriores e a incorporación de adegas de maneira presencial por primeira vez, ademais do tradicional túnel do viño onde os visitantes poderán degustar viños de 17 adegas.  
Este esforzo de promoción enmárcase na estratexia do Consello Regulador por unha aposta clara pola internalización das adegas, na que se engloba a recente presenza da Denominación de Orixe no salón de Wine Paris & Vinexpo Paris.  

Toda a información da D.O. Ribeira Sacra en Prowein e o folleto coa lista de viños participantes pode consultarse na web https://ribeirasacra.org/proximas-actividades-promocion/gl