A D.O. Ribeira Sacra solidarízase co sector da restauración e hostalería
As medidas anunciadas o pasado 4 de novembro para o control da Covid19 en Galicia supoñen, entre outras, novas limitacións para o sector da hostalería e a restauración. Os establecementos do sector están obrigados a peche de actividade, permitindo a entrega a domicilio ou a súa recollida no local para consumo a domicilio.
A Denominación de Orixe Ribeira Sacra manifesta o seu apoio ao sector da hostalería e restauración, nestes momentos de crise sanitaria onde se ven enfrontados a un novo peche nun sector interdependente co sector do viño.
O Presidente do C.R.D.O.R.S., José Manuel Rodríguez, amosa o seu apoio e ánimo para o sector neste momento de crise global, “O sector do viño somos un sector partícipe do sector da restauración e solidarizámonos con el. É un sector moi unido a nós e en momentos tan complicados necesitamos da colaboración de todos.”