Publicación das puntuacións da Guia Peñín 2022
Debido ás restricións o equipo de cata da Guía Peñín non puido desprazarse á sede da Denominación de Orixe Ribeira Sacra para catar os viños como realizou en anos anteriores. A cata realizárona na súa sede, e nela participaron preto de 100 viños de diferentes adegas, variedades e tipos, de anadas comprendidas entre o 2011 e o 2020.
As puntuacións publicadas no seu guía on- line son moi positivas para os viños acollidos á Denominación de Orixe, moitos alcanzan cualificacións superiores a 90 puntos, mostrando así a gran evolución dos mesmos.
Nesta guía, ademais pódese consultar o histórico de puntuacións das diferentes catas realizadas ao longo de todas as súas edicións, e así saber a evolución e as puntuacións de cada viño pola súa anada. En total poden consultarse ata 840 referencias de viños de Ribeira Sacra.