14 medallas para a D.O. Ribeira Sacra no Mondial des Vins Extremes

---

O concurso internacional que organiza o Cervim celebrouse o 29 e 30 de setembro no Val de Aosta, Italia. A esta 30ª edición do Mondial des Vins Extrêmes, o único concurso enolóxico internacional dedicado expresamente aos viños producidos por viticultura heroica, presentáronse 831 os viños de 301 adegas de 24 países de todo mundo.  

A D.O. Ribeira Sacra presentaba 61 mostras de 32 adegas e obtén 14 medallas, 8 de ouro e 6 de prata.  

Medallas de ouro 

• Ibio 2019 de Don Bernardino (Sober)
• Don Cosme 2020 de EDV SLU (Quiroga)
• Finca Cuarta Ladeira 2021 de Rubén Moure Fernández (Sober)
• Finca Cuarta A Costa 2019 de Rubén Moure Fernández (Sober)
• Ciudáseis 2021 de María Gloria Alvarín Losada (Monforte de Lemos)
• CastroFiz Tradición 2020 de José Luis Fernández Pedreira (Chantada)
• Instinto Romano 2021 de Miguel Pavón Reinoso (Taboada)
• Bancales Olvidados 2019 de Adega Ponte da Boga S.L. (Castro Caldelas)

    Medallas de Prata 

• Rectoral de Amandi 2021 de Bodegas Rectoral de Amandi SAU (Sober)
• Condado de Sequeiras 2021 de Grupo Peago (Chantada)
• Rosa do Frade 2021 de Adega Vella Xeracións (A Teixeira)
• Prómine Singular 2021 de Adegas Petrón (Sober)
• Finca Cuarta Mencía 2021de Rubén Moure Fernández (Sober)
• Inseparables 2021 de EDV SLU (Quiroga)

  O Mondial deas Vins Extrêmes é o concurso enolóxico máis importante, reservado aos viños producidos en rexións de montaña ou procedentes de cultivos extremos: altitude superior a 500 metros, pendente do terreo superior ao 30% (en zonas da D.O. Ribeira Sacra chégase ao 80%) ou sistemas vitícolas de cultivo en socalcos).

A D.O. Ribeira Sacra é referente mundial do que se denomina viticultura heroica, denominación á que se chega por unhas condicións orográficas que non permiten a mecanización, viñedos de pequeno tamaño habitualmente organizados en socalcos; condicións climáticas adversas ou/e porque o viñedo atópase en zonas xeográficas con paisaxes de elevada beleza e con carácter turístico.