A D.O. Ribeira Sacra presente en Fenavin do 9 ao 11 de maio

---

A D.O. Ribeira Sacra participará na XII Feira Nacional do Viño que se celebrará en Ciudad Real do 9 ao 11 de maio. A D.O. Ribeira Sacra estará presente no stand da Xunta de Galicia, Pavillón 1, Osiris. Nesta edición do certame estarán presentes, tamén, as seguintes adegas da D.O. Ribeira Sacra con stand propio:

• Adega Saínas
• Dominio do Bibei SLU
• EDV 2015
• Moure Fernández, Rubén- Finca Cuarta
• Ponte da Boga
• Rectoral de Amandi. Bodegas Gallegas.
• Ronsel do Sil
• Terrazas de Outeiro
• Viñas de Belesar

A D.O. Ribeira Sacra estará representada tamén no Túnel do Viño de Galicia que organiza AGACAL, Axencia Galega de Calidade Diferenciada, contando coa participación de Adegas Terrae S.L. e Adegas Petrón S.L. A participación en Fenavin supón a presenza da D.O. Ribeira Sacra nunha das citas máis importantes do sector en España coa asistencia de máis de 1.900 adegas e case 20.000 compradores nacionais e internaciones, profesionais do sector vitivinícola, enólogos, sumilleres, adegueiros, xornalistas especializados e medios de comunicación en xeral, así como outros expertos do mundo do viño. Nesta ocasión amplíase a superficie expositiva a 28.000 m2 para acoller este encontro de viño.