Antonio Lombardía, Presidente do Consello Regulador da DO Ribeira Sacra, Participa nas Xornadas Agrícolas Marienses nas Illas Azores
02/07/2024
Antonio Lombardía, presidente do Consello Regulador da Denominación de Orixe Ribeira Sacra, participou nas II Xornadas Agrícolas Marienses celebradas os días 21 e 22 de xuño nas Illas Azores, organizadas polo Municipio de Vila do Porto en colaboración coa Asociación Agrícola de Santa Maria.
Estas xornadas, abertas ao público e parte das Festas de São João 2024, centráronse na discusión das últimas tendencias e desafíos na agricultura, poñendo en valor a importancia da viticultura heroica e outros aspectos clave do sector agrícola na rexión.
Deste xeito, o Consello Regulador da DO Ribeira Sacra continúa traballando para fomentar o recoñecemento e a apreciación dos viños da rexión tanto a nivel nacional como internacional.