José Manuel Rodríguez, Vitivinicultor e Presidente do C.R.D.O.R.S.
"Sempre hai cousas"
Nos trece anos de vida da Denominación púxose en marcha un sector prácticamente abandonado, pasando de trescentos mil quilos e vinte adegas a máis de cinco millóns de quilos e tres mil viticultores, cun volumen de negocio de máis de vinte millóns de euros.
Nesta andaina posibilitouse o desenvolvemento do sector turístico, convertindo a paisaxe de viñedos nun foco emerxente de atracción turística.
Logrouse situar o viño da Ribeira Sacra nas mellores mesas, acadáronse innumerables recoñecementos nacionais e internacionais, organizáronse congresos..., sempre co esforzo de adegueiros e viticultores.
O venres pola mañá, e para máis cachondeo, nas páximas do especial ??Ribeira Sacra? do diario, El Progreso, vexo un anuncio no que se promociona unha chamada ??I Festa do Outono? en Monforte de Lemos, con variadas actividades, unha delas Festa da castaña e do viño Peleón.
O de viño peleón é un termo utilizado noutros lugares, aquí sería máis acaído o de ??Viño de Almacén?, no Ribeiro chamaríanlle ??de Matute?, o que me fai pensar que esta definición igual se lle ocurreu a un deses asesores/as que cobran pingües soldos por ideas brillantes coma esta.
E todo esto organízao o Concello de Monforte encargado, entre outas moitas cousas, de xestionar o Centro do Viño da Ribeira Sacra que, en teoría, debería promocionar os productos da nosa terra.
Patrocina a Excma. Deputación Provincial, xestora, entre outras cousas, dos catamaráns e doutros medios para, en teoría, promocionar os nosos recursos.
Colabora o CCU e a Asociación Provincial de Empresarios Hostelería de Lugo, en teoría, asociacións que representan ás empresas que prestan servizos aos habitantes do territorio e aos visitantes, e que, entendo, que tamén deberían ser partícipes na promoción conxunta da nosa terra.
Ante esta promoción dun produto estrela como o denominado Viño Peleón, por parte deste conxunto de entidades, véñenseme a mente algunhas exclamacións históricas como aquela de Trillo cando dixo ??Manda huevos?, aínda que para esto coido que lle vai mellor aquela do alcalde de Ferrol, Couce, cando exclamou ??JODER, QUE TROPA?.