O 14 de maio remata o prazo para inscribir os viños.

XVI Cata dos Viños da Ribeira Sacra.

---

O Consello Regulador da Denominación de Orixe Ribeira Sacra prepara a celebración da XVI Cata dos Viños da Ribeira Sacra que terá lugar os días 27 e 28 de maio en Monforte de Lemos.

Da cata poden participar os viños elaborados polas adegas inscritas nos rexistros da Denominación de Orixe Ribeira Sacra que se atopen en fase de comercialización. Establécense 3 categorías:

Viños Brancos: viños Ribeira Sacra Súmmun Branco correspondentes a colleita 2009, podéndose presentar á cata, tantas marcas como a adega desexe.
Viños Tintos: viños Ribeira Sacra Tinto correspondentes a colleita 2009, podéndose presentar á cata, tantas marcas como a adega desexe.
Viños doutras añadas: viños Ribeira Sacra de colleitas diferentes a colleita 2009 que non participaran en edicións anteriores e os viños con barrica da colleita 2009, podéndose presentar á cata, tantas marcas como a adega desexe.

Nos dous primeiros casos o volume mínimo de partida debe ser superior a 1.000 litros e as existencias mínimas no momento da recollida deben de ser de 500 botellas. Para os viños doutras añadas redúcese a 500 litros e 300 botellas no momento da recollida.

A recollida de mostras correrá por conta do persoal do Consello Regulador, elexindo ao azar 3 botellas do stock para compoñer a mostra. Para poder participar da cata é necesaria inscrición previa, rematando o prazo para presentala, na sede do Consello Regulador, o día 14 de maio.