Recóllense as mostras para a cata de calificación
A D.O. Ribeira Sacra comercializará 3.794.102 litros de viño
O pleno do Consello Regulador ven de dar a aprobación definitiva aos datos de recollida de uva da pasada campaña. A cantidade de uva recollida foi de 5.624.128 quilos de uva, a maior cantidade acada pola D.O. Ribeira Sacra desde a súa posta en marcha. No mercado convertiranse en 3.794.102 litros de viño. No pasado ano embotelláronse 3.184.567 litros.
A campaña 2010 déixanos outros números. Foi o ano no que houbo máis hectáreas inscritas no Consello Regulador, un total de 1.270. Os concellos con maior número de hectáreas inscritas son, por este orde: Sober, Pantón e Chantada. O número de viticultores situouse no 2010 en 2.842. A tendencia nos últimos 10 anos, aÃnda que con oscilacións puntuais, é a dun aumento da produción, das hectáreas inscritas e dos viticultores que traballan ao amparo da D.O. En canto ás adegas, no 2010 vendimaron ao amparo da Denominación 89 adegas.
As cifras sumadas á crecente demanda dos nosos viños avalan a traxectoria ascendente da Denominación. As expectativas están agora postas neste 2011. Entre esta semana e a que ven recóllense as mostras para a cata de calificación da pasada colleita. A cata, que ten carácter itinerante, celebrarase o dÃa 25 deste mes na Casa Consistorial de Trives.