Río antigo, o Sil dosifica a vertixe camiño dos viñedos imposibles da Ribeira Sacra. A vía do tren persegue desde o Bierzo o ronsel das súas augas escuras, o mesmo corredor natural polo que os romanos penetraron na primitiva Gallaecia. Eles construíron por vez primeira as terrazas que aínda hoxe fan posible o cultivo da vide en pendentes onde a vendima parece tarefa de alpinistas. De feito, a recolección manual da uva nas inclinadas paredes do canón podería recordar, polo seu perigo e pola necesaria mestría, á
captura dos percebes na costa.
Enderezo: Comercio 6/8. Monforte de Lemos (Lugo). 27400 España