A D.O. Ribeira Sacra chega á data recomendada para iniciar a vendima con 723.204 quilos de uva recollidos
Este xoves, día 19 de setembro, é a data que a D.O. Ribeira Sacra marcou como data recomendada para o inicio xeneralizado da vendima. Ao 18 de setembro e despois de que varias adegas decidisen iniciar os traballos de vendima, desde o día 28 de agosto, recolléronse 723.204 quilos de uva. A maior parte corresponde a Mencía con 451.210 quilos e Godello con 156.086 quilos. Do resto de variedades lévanse recollido:
Variedades tintas
- Brancellao 6.013 kilos
- Merenzao 16.005 kilos
- Caíno 14.420 kilos
- Grao Negro 1.400 kilos
- Garnacha 10.068 kilos
- Mouratón 343 kilos
- Sousón 5.144 kilos
- Tempranillo 15.959 kilos
- Albariño 34.400 kilos
- Blanco Legítimo 60 kilos
- Dona Branca 2.292 kilos
- Loureira 463 kilos
- Torrontés 1.852 kilos
- Treixadura 7.489 kilos
Das 98 adegas que está previsto que vendimien ao amparo da D.O. Ribeira Sacra nesta campaña, 33 están a realizar labores de vendima, 19 téñena paralizada e 4 xa terminaron. Polo tanto son 42 adegas as que aínda non iniciaron os traballos de recollida.
As previsións son que entre hoxe e mañá comece cos traballos de vendima un volume importante de adegas. Espérase que despois desta fin de semana se supere o millón de quilos de uva. As choivas e episodios puntuais de tormenta que tivemos nesta última semana non afectaron ás viñas e continúa a normalidade na Denominación. A uva que está a entrar en adega segue nun estado sanitario óptimo e as condicións meteorolóxicas están a ser moi favorables polo que a previsión segue sendo superar os 7 millóns de quilos de uva nesta campaña.
Desde hoxe, a web do C.R.D.O.R.S. ofrecerá diariamente os datos de recollida actualizados por variedades.