O presidente do CRDO Ribeira Sacra foi nomeado Confrade de Honra do Viño de Canarias

---

O pasado 23 de outubro reunido o Gran Consello da Confraría do Viño de Canarias decidiu nomear a Jose Manuel Rodríguez González, presidente do CRDO Ribeira Sacra Cofrade de Honor del Vino de Canarias. Este acordo foi ratificado pola Asemblea Plenaria reunida na mesma data, que atende aos moitos méritos públicos e persoais para outorgar este recoñecemento.
A investidura levouse a cabo no Acto do XVI Gran Capítulo da Confraría do Viño de Canarias que tivo lugar onte día 17 de novembro na Vila e Porto de Garachico en Tenerife.

Antes do nomeamento dos Confrades de Honra desenvolvéronse outros actos institucionais:

• Recepción dos confrades
• Recepción da Corporación e lectura do Bando
• Misa
• Desfile da Confraría
• Acto Institucional de nomeamento de confrades

Ao finalizar os actos institucionais tivo lugar o tradicional xantar de confraternidade no Convento de San Francisco.