Viños de Ribeira Sacra premiados en concursos
27/03/2015
Os viños de Ribeira Sacra están de parabén e cada vez obteñen máis recoñecementos tanto a nivel nacional como internacional.
Nesta ocasión dúas adegas acollidas á denominación de orixe obtiveron premios no concurso Bacchus e no concurso Mono Vino.
XIII Concurso Internacional de Viños Bacchus 2015:
Este concurso é o único en España recoñecido pola OIV (Organización Internacional da Viña e do Viño) o que fai que sexa un referente a nivel internacional. No concurso que se celebrou durante catro xornadas en Madrid, presentáronse máis de 1.500 viños e case un centenar de catadores nacionais e internacións foron os encargados de avaliar os viños.
Os viños premiados de Ribeira Sacra son:
- Bacchus de Oro para Vel'uveyra Godello 2013 da adega Ronsel do Sil S.L. situada en Parada de Sil (Ourense).
- Bacchus de Plata para Finca Cuarto mencía 2014 da adega de Rubén Moure Fernández, situada en Pantón (Lugo).
Concurso Mono Vino 2015:
A este concurso de viños monovarietales na edición de 2015 presentáronse máis de 300 viños a concurso, chegando á final 168, e 50 deles foron premiados con medalla.
O viño premiado de Ribeira Sacra foi:
- Ouro para o viño Ourive da variedade Dona Branca, da colleita 2013, da adega Ronsel do Sil S.L. situada en Parada de Sil (Ourense).