Ribeira Sacra en Fenavin
05/05/2017
Do 9 ao 11 de Maio de 2017 celébrase a Feira Nacional do Viño (FENAVIN) en Ciudad Real na que o Consello Regulador da D.O. Ribeira Sacra estará presente, do mesmo xeito que en edicións anteriores, no stand institucional da Xunta de Galicia: Pavillón 4, Osiris, Rúa 7, Caseta 1.
Neste certame estarán presentes tamén varias adegas da Denominación de Orixe coa finalidade de dar a coñecer os seus viños e ampliar os seus contactos e negocios comerciais, nun momento no que os viños de Ribeira Sacra están cada vez máis valorados tanto no mercacdo nacional como no internacional.
As seguintes adegas acollidas á Denominación de Orixe Ribeira Sacra estarán tamén presentes:
- Adega Ponte da Boga S.L.
- Adegas e Viñedos Via Romana S.L.
- Bodegas de Rectoral de Amandi S.A.U.
- Dominio do Bibei S.L.
- Karma do Sil S.L.
- Regina Viarum S.L.
- Pedro Manuel Rodríguez Pérez “ Adegas Guimaro”
- Ronsel do Sil S.L.
- S.A.T. Virxen dos Remedios
- Manuela Valdés Pérez “Adega Tear”
Este certame é a feira de referencia dentro do sector vitivinícola español e a ela acoden compradores, distribuidores e outros especialistas do viño de diferentes países, xa que desde os seus inicios, especializouse no negocio exterior, cunha gran proxección internacional que permite que a oferta vinícola española poida estar presente nos mercados máis importantes do mundo.
O horario de apertura da feira é de 9:00 h. a 19:00 h. os días 9 e 10, e de 9:00 h. a 16:00 h. o día 11