63 adegas están vendimando na D.O. Ribeira Sacra cando levan recolleitos 1.341.382 quilos

---

Ás portas da última fin de semana de setembro, das 97 adegas acollidas á Denominación que vendiman nesta campaña, 9 xa completaron os traballos, 63 adegas están vendimando, 6 téñena paralizada e 19 aínda non comezaron a recollida. A data 23 de setembro levan recolleitos 1.341.382 quilos, que por variedades distribúense do seguinte modo:

Variedades tintas

• Mencía 749.319 kilos
• Garnacha 16.355 kilos
• Merenzao 47.726 kilos
• Caíño 17.957 kilos
• Brancellao 25.461 kilos
• Sousón 5.266 kilos
• Tempranillo 3.877 kilos
• Mouratón 2.668 kilos

  Variedades brancas

• Godello 377.533 kilos
• Albariño 78.990 kilos
• Treixadura 23.782 kilos
• Branco Lexítimo 4.119 kilos
• Dona Branca 3.402 kilos
• Torrontés 652 kilos
• Loureira 115 kilos

O pasado ano a estas alturas da campaña de recollida, 58 adegas xa completaran os traballos de vendima. Destaca este ano a cantidade de Godello que leva recolleito que supera a cantidade da pasada campaña por estas datas do mes de setembro. Viticultores e adegueiros seguen enfrontándose a unha climatoloxía caprichosa que polo momento non interfire na calidade e estado sanitario da uva que segue entrando en adega en estado óptimo.