Ribeira Sacra ten 5 distincións

OS ADEGUEIROS PREMIADOS EN AOSTA RECOLLEN OS GALARDÃ?NS O 12 DE DECEMBRO

---

A Denominación de Orixe Ribeira Sacra presentaba 33 mostras ao XVI Concurso Internacional de Viños de Montaña de Aosta, 29 de tintos e 4 de brancos, correspondentes a 23 adegas. Os viños presentados competían en 10 categorías, Ribeira Sacra facíao en 3, tintos do 07, brancos do 07 e viños vendimados en 05-06. Por cada categoría os viños mellor valorados polo xurado reciben medalla de ouro, prata e bronce. Establéncese outros premios para os mellores viños, independientemente da categoría, de xeito que todos os viños puntuados por enriba de 80 sobre 100 reciben mención de honra, deste premio benefícianse 4 Ribeira Sacra: Cardenal Rodrigo de Castro (adega Soutelo, subzona de Amandi), San Mamed (adega de Rosa María Pumar, subzona Quiroga-Bibei), Regina Expressión ( adega Regina Viarum, subzona de Amandi) e Val do Frade (SAT Os Ermitaños, subzona Quiroga-Bibei). Outro xeito de puntuar os viños é escoller o mellor de cada país, e no caso de España, o viño de montaña mellor valorado pertencía a Adegas Moure da subzona de Ribeiras do Miño, que obtén deste xeito Premio Especial Cervim 2008.
Os premios aos viños entreganse o 12 de Decembro ás 14:00 no Parador de Turismo de San Vicente, coincidindo co xantar que anualmente por estas datas celebra o Consello Regulador.
O certame de Aosta ten como peculiaridade que convoca aos viños de todo o mundo que se producen en zona de forte pendiente, Ribeira Sacra ten a maior parte da sua produción neste tipo de territorio e leva anos acudindo á cita italiana e colleitando sempre importantes éxitos.