Controis de maduración previos a vendima

---

Estes controis previos que se realizan nos viñedos das diferentes subzonas da Denominación de Orixe, determinarán o estado da uva e axudarán a establecer a data oficial que recomenda o Consello regulador para o inicio de vendima.

Os controis realízanse polos técnicos do Consello Regulador en parcelas representativas das cinco subzonas que forman a denominación de orixe e con todas as variedades de uva acollidas a mesma.

Os resultados destes controis son de gran importancia xa que ofrecen datos sobre as condicións de maduración da uva. Con eles o Pleno do Consello Regulador, que se celebrará nos próximos días, poderá determinar a data oficial recomendada para o inicio da recollida de uva, sen prexuízo de que algunha adega poida empezar a recollida de uva con anterioridade se as uvas reunen as condicións adecuadas.