Misión Inversa de Bélgica e Luxemburgo.
A D.O. Ribeira Sacra ofrece exclusividade nos seus viños
Importadores, distribuidores e prensa especializada en viño, procedentes de Bélgica e Luxemburgo, participaron dunha misión inversa, que na tarde do martes os levou ata a sede do C.R.D.O.R.S.
Unha técnica da Denominación ofreceu unha presentación da D.O. e posteriormente os visitantes tiveron a oportunidade de probar os viños correspondentes a cinco adegas e intercambiar experiencias cos seus representantes.
Pérez Vidal, distribuidor belga aseguraba que os viños eran moi bos e estaban moi ben elaborados. Xa tivera a oportunidade de coñecer os viños de Ribeira Sacra en Alemania e amosábase sorprendido cos mencías. Tamén dixo que en Bélgica e Luxemburgo tiñan o mercado gañado os viños franceses e pouco a pouco había que ir introducindo outras propostas.
Tamén dende Bélgica Íñigo Gracia, distribuidor, dixo estar impresionado pola acollida dada en Ribeira Sacra e loubou as instalacións do Centro do Viño da Ribeira Sacra. Íñigo Gracia facía estas declaracións despois de ??probar un mencía impresionante?. Segundo o distribuidor belga vendo a historia, a evolución da D.O. e o xeito de cultivar,?. a produción de Ribeira Sacra é cara, pero esa produción dalle ao viño unha exclusividade que non teñen outras Denominacións. ?? Hai que vender algo único, exclusivo, eso viñen buscando e hai viños de Ribeira Sacra cos que traballarei. Polo momento a D.O. non é moi coñecida en Bélgica, hai que invertir tempo en dala a coñecer, pero ofrecendo un bo produto ábrense mercados?
Esta misión inversa, organizada pola Cámara de Comercio de Ourense, visitaba as D.O. vitícolas de Galicia, coincidindo coa celebración da II edición de Vinis Terrae, o Salón de Viños e Licores Galegos de calidade, no que un ano máis participou tamén a Denominación de Orixe Ribeira Sacra, contando con gran acollida entre o público asistente. A seguinte cita, Salimat, en Silleda, do 11 ao 14 de xuño.