Empezan os controis de maduración
25/08/2014
Os técnicos do Consello Regulador da denominación de orixe comezaron os controis de maduración en parcelas representativas das cinco subzonas que conforman a denominación: Amandi, Chantada, Quiroga-Bibei, Ribeiras do Miño e Ribeiras do Sil.
Os controis de maduración determinarán o estado das diferentes variedades de uva e servirán para fixar a data oficial recomendada polo Consello Regulador para o inicio da vendima.
O Pleno do Consello Regulador é o órgano competente para determinar a data recomendada para o inicio da vendima, que tras estudar os datos achegados polos controis de maduración efectuados polo persoal técnico do Consello, decidirán a data oficial de inicio de vendima para a campaña 2014-2015.