Dicionario do viño
Amplo
Un viño completo, cheo, abundante en matices.
Anada
(fr. Millésime). Ano no que se vendimou o viño. Debe de figurar na botella.
Andana
Na adega, fila de barricas ou botas aliñadas nas naves ou cavas de crianza.
Anello
Viño criado en barricas ou en botellas, polo menos durante tres anos.
Ataque
É a primeira impresión sensorial que o viño produce no padal.
Aveludado
Suave, de tacto agradable e sedoso, sobre todo nos viños tintos.
Bagazos
Residuo procedente da prensada das uvas. Despois de obtido o viño de prensa, os oruxos poden utilizarse como abono para destilalos e elaborar a augardente de bagazo.
Balsámico
Aroma resinoide que pode deberse á variedade, á terra ou á crianza (incenso, cedro, pino, alcanfor,etc). É un aroma nobre.
Barrica
Envase de Madeira que se utiliza para criar os viños. A barrica bordelesa (225 litros) é moi prezada para a crianza dos grandes viños de mesa. Está composta polas doelas de madeira de Carballo, uns aros metálicos de axuste e dúas tapas.
Bocoi
Bota-Tonel. Envase de madeira, maior que a barrica. Capacidade de 700 litros.
Bouquet
Palabra de orixe francesa que se utiliza para designar o conxunto de sensacións olfactivas que ofrece un viño.
Branco
Estilo clásico de viño moi claro, con abundancia de amarelo matizado por ampla gama de tons verdes e dourados.
Brillante
Viño que presenta un aspecto visual esplendoroso e limpo, con reflexos luminosos.
Brut
Viño espumoso moi seco. Característica dos cavas. Admite diferentes matices dependendo do contido de azucre: brut cero, brut salvaxe, brut absoluto, brut nature.
Cangallo ou cango
Parte leñosa ou verde do acio que serve de soporte aos grans de uva.